太飽食唔晒

8月25日為阿都B慶祝生日，今次終於不是買恤衫做生日禮物。

1. 今次係買了converse 中國款銀色，我也買了一對，打算影結婚相用。

2. 終於由去年做到今年的「阿都B」及他最喜歡的「西瓜」。



本來想做埋個身俾這個「阿都B」，但日日同真o既一齊，實在無時間可以靜靜雞做。最終都係要到凌晨時候才能開工。






生日當天，我們放假去了廸士尼。有識人在廸士尼返工免費進場。「小小世界」都幾得意，最正係排隊個時已經有冷氣﹗另外，史迪仔講故事超搞笑，排一個鐘頭都係值。阿都B成了「通緝犯」呀。:D




另外，教畫winnie the pooh都幾好玩，當然，佢教我地先用正方及線條畫地個「框」等winnie the pooh唔會唔o岩比例......最終，更係唔o岩scale收場啦。





夜晚去了洲際STEAKHOUSE食，我地叫了生亳半打、CRABCAKE、一塊澳洲和牛、一塊美國NATURAL BEEF。食牛排時鹽有8款揀、刀又有10幾款揀、mustard又有10幾款揀，真係誇。

最誇係，我地兩個竟然都食唔晒塊排(竟然發生在我地身上﹗﹗)，因為塊牛真係好肥，但勁好食，好"lum"。

當時好飽，阿都B係唔想叫甜品的。不過阿都B唔知之前一日我BOOKING時問過個姐姐，佢話冇蛋糕，但係可以叫甜品時加塊牌。為左有塊「生日牌」俾阿都B，我頂硬上叫了CHOCOLATE FONDANT(當然呢個係招牌甜品啦，好似唔食唔得咁，d人講到)。

當日落ORDER叫甜品時都擔心個D人唔記得我呢個「生日牌」要求，仲想扮去洗手間提D侍應。不過都冇咁做，怕阿都B識破。後來送上O黎個時個CHOCOLATE FONDANT真係有塊牌wor，仲有爉燭tim。d service真係一流。

不過，當我地問個waiter我地會唔會食唔晒個時，佢講好多客都食得晒o既時候，個甜品其實係可以6個人食。唔知，佢講好多客，係指人地一枱6個人，定係好似我地真係得2個人先？﹗



呢張相已經係我同阿都B每人食左平時一人份量後剩下的了。真係好難食得晒。裡面d「溶岩」好似湯咁多呀。

所以，埋單時個waitress叫我地填回應表，佢講笑可以反應下d甜品size過大。

最終，埋單係$2670，好彩廸士尼唔使錢o者﹗或者係，好彩唔係o向洲際食自助餐o者﹗

車頭公仔

自決定結婚後就努力為婚車上的一對公仔張羅。一直意屬幾米的小蝴蝶及小披風。不過香港沒有﹔試過於金都有一間專賣車頭公仔、結婚佈置物料的，也不接訂做order。都有想過自己親手整，不過，就擔心會整得「太老翻」。而在幾米official website 上留言，而阿都B又email過去問，都沒有回音。

我的同事在書展看見幾米精品攤檔的，她說有一對公仔，都有一點像小蝴蝶及小披風。我們都買了「頂住檔」。希望我媽媽幫他們做婚紗及禮服。雖然兩個公仔都係女仔，不過，幾米的人物無論男女都差不多樣的，都可以魚目混珠吧。



小蝴蝶及小披風




個公仔都好得意，有個「豬鼻」送O架。




佢地兩個的真面目。













另外，都於書展買了一本叫《我們的低能婚禮》，好搞笑的。是漫畫來的，講由求婚開始至婚後生活，都形容得很「抵死」。

又係老問題

今日，都為老問題勞勞氣氣。

都係唔明點解呢間公司的同事咁搞笑，明明係OFFICER GRADE又大學生，都俾D老臣子CLERK耍到。都唔明點解咁驚青的人做MKTING / PR。絕對錯配。

而我部門又有一位來自國內的BU大學生作實習，又係傻下傻下，夠薑同上司駁咀，佢又太大膽。叫佢做野要俾我睇，我都未係FINAL VERSION就EMAIL俾人。好左係EMAIL俾另一同事O者，如果係記者或外人咪死梗。

湊人真係好煩。

錢到用時方恨少

又係為搵場地。

星期日去了紅磡的都會海逸及海韻軒，都係唔覺得OK。

今晚去了朗豪坊，它的STAR ROOM好靚，新娘房係見過咁多間酒店中最好的﹗不過超過$10,000一圍，太嚇人啦。

真煩惱。

阿都B計過了，計埋人情，淨支出要$20萬 - $25萬左右。

原來儲錢是很重要的。

疲於奔命

這個event真難搞，當然，因失去預算，或者從來自己就不懂預算。

我，是見步行步型(除了在工作或事奉外，其他事情一律「唔趕唔做」)。

今次，我已經決定得很快了。

之前已訂了婚戒﹔7月6日已訂了用「浪漫一生」影婚紗相。同事覺得個package $13,888 得30張相貴(因識人變成40張)，我以為是市價。另一對朋友亦因我們識人也用了「浪漫一生」，他們預了要共花$20,000，因為加相要每張$300。我真的「食米唔知價」。本地影相也不便宜。

同日，只去了兩間租婚紗的，第一間可免費任試，知道了自己喜愛什麼款式了﹔再去「浪漫一生」的姊妹公司，叫"ANOVIA"，要收費試2-3件，但因婚紗太漂亮的原故，要錢都試了。結果，真的幫襯了這間，要$6380租1件婚紗2件晚裝。因EARLY BIRD，可免費租伴娘裙﹔因間接識人，每套裙所配襯之手飾可免費租用($150一套)，即3套。

事後，也忍不住狂於esdlife搜索，都好多人讚賞"ANOVIA"的婚紗，但亦有很多人都說晚裝很難揀。的確，因我當日也找不到適合的。不過，朋友意見﹕婚紗靚是首選哩﹗

餅咭也剛於EXPO買了。美心，130張。買住先。

接著，就是酒席場地。本來以為是灣仔的RENAISSANCE HARBOUR VIEW，但09年價每圍加一連酒水要接近$9,000一圍，太誇張了。因此，要四出看看，就成了這個星期五、六、日的節目。我們的要求，是23-26圍左右，因此，要找一些可提供到此圍數的地方。


以下價錢是09年底(WEEKEND)，每圍加一連酒水價

灣仔 RENAISSANCE HARBOUR VIEW
- 約$8800
- 無柱，好簡潔舒適，近我們
- 新娘房都幾大

CWB REGAL
- 約$8000
- 樓底高
- 裝修舊
- SCREENS的位置幫唔到睇唔到STAGE的賓客

CWB WORLD TRADE CENTRE CLUB
- 約$8000
- 較細，但因是CLUB HOUSE，不是人人可以BOOK，所以不會有外人
- 有維港海景

上環 大舞台
- 約$6500
- Minimum charge 都貴過RENAISSANCE HARBOUR VIEW
- 整體看上去略舊(因懷舊LOOK)
- 新娘房有洗手間，但有D臭味
- 接待我們的經理好唔PROFESSIONAL

TST INTERCONTINENTAL GRAND STANFORD
- 約$9000
- 酒店入口幾CLASSY
- FUNCTION ROOM無柱，燈可轉色，都好靚
- 接待的經理好PROFESSIONAL
- 枱布椅套都有八種色揀
- 但新娘房較細

TST ROYAL GARDEN
- 約$6500
- 中菜廳都幾優雅，因有小橋流水﹔但柱大及多，各席分得散
- 個廳本身都有2個入口位，可能會唔夠「歸一」
- 因為開揚，唔夠PRIVACY
- 本身鍾意此酒店的「井字」型設計，自然加分
- function room 則樓底太矮，不用考慮
- 新娘房好大

TST NEW WORLD RENAISSANCE
- 約$7500
- 不好，有柱，又暗，因我們要旺季而圍數不算多只得半廳，有D迫
- 新娘房舊

MK EATON
- 約$7500
- 樓底都高，個台OK，有小型樓梯由一個小舞台走去另一個STAGE都不錯
- 布置/地毯有D老土
- 位置不OK

MK ROYAL PLAZA
- 約$8500
- 樓底都高，水晶燈也不錯
- 地段不好，若坐地鐵經商場要搵一陣再左穿右插先得

今日只去了TST及MK睇場，HK ISLAND的之前睇的﹔明天又去HUNG HOM，真的會死人。好在，有阿都B，他專在esdlife看其他人的COMMENTS。沒有他努力，只得我一個，什麼也做不了。我只是去睇都累死了，難為他又約人又找資料啊。

所以，人一生只可結一次婚。不要再搞了......

由最遠的做起

經歷過6月12日後，除了通知了一堆人外，接著，就要搵個日子及地方。

不過，雖然有人講不用太早，但我們已經訂了婚戒。阿都B之前自己都去公司旗下的牌子看過，他看了Piaget及VCA。之後，他帶了我去Piaget，有一個叫possession系列的，它的特色是有兩個圈，外圈可轉動的。試過後覺得很有趣，不過怕太貴。

去了J's、周生生、4C等看看，發現原來婚戒是不便宜的﹔J's有一隻好簡單似925銀的platinum，看似$300有交易，都要$8xxx。嘩，Piaget就不算貴了 (可能阿都B有折扣原故)。

後來再去VCA，想看多一、兩間先拍版，VCA也不錯，在網上都很多準新人買VCA，但試了上手，都覺得Infini signature那系列有點厚。而心中都是覺得Piaget可轉動的圈較好玩一點，而又有7粒小石，好像物有所值一點。

阿都B就不喜歡有石，怕太乸，就什麼都沒有，但同樣個外圈會轉的。我們說笑，將來我們都變成「賭神」，常常轉戒指。

最終，Tiffany都不去了，立即訂了P。

我的﹕

他的﹕

咁就一世啦

6月12日是很重要的一天，晚上的一下「點頭」，就要為人生另一階段開始籌劃了。

只過了一星期，實則，沒有做過什麼。只是忙於通知長輩。

難忘的6月12日晚，很開心有一班好友共同見證。失憶的時候也可以問下其他人嘛。 : )

謝謝各好友﹗