無線劇集最強陣容

最愛﹕

1. 女黑俠木蘭花(1981) — 趙雅芝、楊盼盼、黃錦燊、曾江、楊群
=> 有一幕趙雅芝與黃錦燊咀咀，但拍得很含蓄，是意會的。他們在晾曬的床單後面，影着趙雅芝蹬起雙腳就是了。
=> 葉麗儀唱的主題曲 — 勁﹗氣勢磅礡
木蘭花美麗豪放
惡賊間聲膽喪走遠方
木蘭花正直豪爽
普濟孤苦似活慈航
論身手何硬朗
還鑄有鐵膽肝
神勇勝女金剛千秋仰望
有木蘭花惡賊難安
好比星光燦爛耀四方


2. 香江花月夜(1983) — 梅艷芳、苗僑偉、蔣麗萍、景黛音、湯鎮業
=> 梅艷芳家貧，苗僑偉是有富家子弟，相愛很難。
=> 曾江介入，迷姦梅艷芳，更刻意被苗僑偉見到，苗以為梅與曾江搭上‥‥‥曾江好奸呀﹗
=> 當年「科研」未成熟，eye liner 很易溶，有一場戲梅艷芳一流淚，塊面有兩行黑色的墨水。


3. 神鵰俠侶(1983) — 劉德華、陳玉蓮、梁家仁、歐陽佩珊
=> 不用多說，劉德華陳玉蓮襯絕。
=> 張德蘭《情義兩心堅》— 永世難忘
情若真　不必相見恨晚
　見到一眼再不慨嘆
　情義似水逝去　此心托飛雁
　遠勝孤單在世間

　情若真　不必驚怕聚散
　變化轉眼也應見慣
　誰願去揮慧劍　此心托飛雁
　縱隔千山亦無間

☆愛比朝露　未怕短暫
　存在倆心堅　情不會淡
　別去已經難　重會更艱難
　愛火於心間　不冷

　情若真　不必苦惱自嘆
　縱已失去也可再挽
　情緣至今未冷　此心托飛雁
　那怕悲歡何妨聚散


4. 香城浪子(1982) — 黃日華、莊靜而
=> 莊靜而，眼大面尖，古今皆宜
=> 竟然是悲劇
=> 梅艷芳《心債》好聽呀﹗


5. 楚留香之蝙蝠傳奇(1984) — 苗橋偉、翁美玲、任達華、楊盼盼、惠天賜
=> 苗橋偉固然之型，惠天賜也很酷的。


6. 播音人(1983) — 周潤發、趙雅芝、藍天
=> 周潤發的攣毛頭，非常經典。
=> 周潤發與趙雅芝結婚當天，被趙父藍天帶走。有一幕趙要小女孩幫忙，便將花車上的洋娃娃送給小女孩作酬勞。那時才知，結婚的花車車頭上是要有洋娃娃的。


7. 中四丁班(1985) — 吳啟華、陳敏兒
=> 吳啟華陳敏兒是演一對。但現在吳與其他細他十幾年的演情侶。或者，連劉華也與阿Sa演夫妻時，就知男演員「幾襟玩」。
=> 吳啟華當年很少做忠的，還要演無大志青年，只顧打桌球。


8. 鑽石黃老五(1986) — 吳啟華、毛信筠、藍潔瑛、李國麟
=> 又吳啟華，今次換了毛信筠 — 早年的醜女大變身劇


9. 薜丁山征西(1986) — 黃日華、陳敏兒
=> 黃日華與陳敏兒演一對。
=> 我不喜歡龔慈恩......就如不喜歡黃造時一樣，成日扮楚楚可憐。


10. 天師執位(1984) — 苗橋偉、翁美玲、蔣麗萍、劉丹
=> 苗橋偉與翁美玲的感情充滿波折，全因蔣麗萍這奸角，好討厭。
=> 好似講蔣麗萍是狐狸化身的
=> 這劇讓我以為人死了會成為蟋蟀、蝴蝶......不過無講會成為曱甴﹗(當然，我會上天堂的﹗:> 好在有耶穌基督)


11. 飛越十八層(1982) — 苗橋偉、戚美珍、馮粹帆
12. 鍾無艷 — 鄭裕玲、陳秀珠、盧海鵬、李龍基

13. 老洞(1983) — 劉德華、莊靜而
=> 片頭﹕老洞洞洞洞洞......

14. 海誓山盟 — 沢口靖子、川野太郎
=> 男主角好靚仔啊﹗
=> 男主角不多出聲，但對女主角很深情，當然最緊要靚仔﹗後竟失蹤兼失憶。
=> 一直不知道男女主角真人名，竟然在yahoo知識﹗找到資料，yahoo真係好﹗


15. 賴布衣(1983) — 苗橋偉、黃造時、廖啟智
=> 兩批術士大對戰，如果我無記錯，一邊砌了大蟹「道具」代表鉗住敵人，另一邊又出招做大籮筐當作「捉」蟹用，都幾得意。


16. 再版人(1984) — 梁朝偉、劉嘉玲


其他記得的﹕
火凰凰(1981) — 周潤發、鄭裕玲
痴情劫(1982) — 陳秀珠、石修、羅蘭(精神病人片，還有陳欣健做「咸蟲」呢)
碧血劍(1985) — 黃日華、莊靜而、陳秀珠、苗僑偉、高妙思 (苗僑偉做金蛇郎君夏雪宜超型﹗﹗﹗與溫青青(莊靜而)的母親有一段很浪漫的愛情故事。金蛇郎君又型又酷又長情，但只會在小說出現)
大運河(1986) — 梁朝偉、歐瑞偉、王綺琴、鮑方、吳啟華
北斗雙雄(1983) — 周潤發、梁朝偉、任達華
無雙譜 (1981) — 李司祺、李琳琳、關聰、劉克宣、譚炳文(其實都幾好睇，不過我不太喜歡關聰的「腔口」，同他的「咸濕」相)
畫出彩虹(1984) — 詹炳熙、張曼玉
逐個捉(1981) — 石堅、鄧璧雲、李司祺、鄭裕玲、馮淬帆
發現灣(1980) — 林嘉華(好恐怖的，有爛面/蒙面人之類.....劇情真的不記得了)
愛情安哥Encore(1982) — 蔡楓華、黃造時、區瑞強 (整套戲的演員都很惹人厭)
再見十九歲(1983) — 梁朝偉、李司祺 (不知道故事內容，只知是找尋阿媽的故事，李司祺是修女，亦是梁朝偉阿媽)
儂本多情(1984) — 張國榮、商天娥、關菊英 (講了十次，商天娥襯張國榮，好驚﹗歲月不饒人。但我公司阿哥話見過商天娥真人，竟然覺得商都幾型)
楊家將(1985) — 網上講是TVB的台慶特別節目，只有一集，把台內所有大牌都請出來拍。主要演員是五虎將那一代的小生小旦，苗僑偉演楊四郎、黃日華演楊五郎、劉德華演楊六郎、梁朝偉演楊七郎；劉嘉玲配劉德華，曾華倩配梁朝偉。

http://bbs.org.hk/bbscon.php?board=TV_Drama&id=6732
(這條link內有好詳細的TVB節目首播日)




海誓山盟的男女主角 — 川野太郎、沢口靖子(男主角好型好酷啊﹗)











無雙譜 — 估唔到搵到

















老洞 — 以前覺得個片頭好恐怖













鍾無艷 — 以前陳秀珠都幾靚














播音人 — 劇情緊湊

攣毛

廿九年以來，第一次電髮。全因髮型師的鼓勵﹕「趁後生就試下啦。」

之前擔心得不得了，怕變了阿嬸、地拖......連同事、家人、上司、朋友也問候起來。不過，似乎沒有一個答應我，會在我因新髮型核突而請我食飯，當作安慰。

嘻，算啦，個新髮型如我所料，都不錯呀~~~竟然~~~好在。:p

工作

最不喜愛工作。

由讀中學時已知道返工辛苦。果然，真係好辛苦。辛苦在﹕
~ 早起身 (雖然我每一份工都返工遲到)
~ 知自己做咩但上司唔覺得 (雖然只有現在的上司認為我唔知自己做咩)
~ 冇職升 (雖然之前的上司都覺得自己做得唔錯)
~ 唔知自己想做咩 (雖然第一志願係唔想做)
~ 讀大學時的所有嘢都忘記了 (雖然工作上真係用唔着、雖然我的成績是中上、雖然...但上司係要串「你以前讀咩架」)
~ 上司一時叫你做A，你做A時又話你做錯要做B，但做B時又話你唔明又計劃得唔好，再叫我做A.B (雖然我上司有男有女，但係情況都一樣)
~ 有咩事衰就係因為「我」計劃不周，處事不夠細心 (雖然我成日諗馬後炮係人都識)
~ 上司成日對我講她/他已經幫「我」揹了不少鑊 (雖然我都有幫佢硬食，不過我就唔會咁對佢講囉)
~ 不由自主，一生為奴 (雖然有時都會靜靜雞唔理上司講咩，用自己的方法完成)
~ 照跟又話唔用腦，唔跟又話啲嘢有得跟點解浪費時間重新搞過 (雖然好多時我都唔想搞新嘢，但係啲言語壓力好緊要，好似冇新嘢出係白支人工咁)
~ 問問題又話過份倚賴，唔問又話唔知係咪真係明 (雖然我都唔係想問，但係講得一舊舊咁我可以點？)

最辛苦係，我真係要錢，真係要為五斗米折腰，真係要「繼續」返工。

(一) 餐廳

餐廳是...戰場(抄人的)
















以下是抄自"Tender at the Bone: Growing Up at the Table" - Ruth Reichl

"Do you know what a resturant is?" he asked.
"A place where people pay to eat?"
"A war zone," he replied. "Never forget that. They(the ppl working in kitchen)," he pointed to the kitchen door,"are on one side. These people(customers)," sweeping the dining room with his arms, "are on the other." He paused, started staring at me and said, "Us(waiters/waitresses)? We're nothing but go-betweens. The kitchen never forgets the enemy, but you do your job right and the customer gets out the door without even knowing he's been at war."

有趣見解。

無拉褲鍊

今天，在到達Poly後去洗手間時，才發現無拉褲鍊。

當然，對於無拉褲鍊，我有豐富的經驗。記得的案例如下﹕
1. 去旅行時阿姨提醒
2. 試過在短宣時有弟兄叫我拉回
3. 我的父親也忍不住大閙一頓
4. 好在件衫都夠長遮得住 :p (而老闆無見到...好似)

以上情況全發生在18嵗之後，幾恐怖~~~

(這句是後加的﹕最衰無人每朝提我要檢查褲鍊!!!成日都冇人提我架!!!)

又出事

猫猫...又出事了。幾時先完？唉...真慘。