為了......搵食

今日， 為了交張申請表，趕不及赴餞別宴。買了麥記回公司，已經2pm......竟然

現實是﹕你排個條隊永遠最耐

我懷疑過那麥記收銀員是最慢手腳的，我好似記得.....但係唔信邪......睇住隔離隊走了5、6個人，前面仲係個個客。前面個個仲要用$500紙買麥記，冇野呀......用假銀紙呀......又等

為了不知有冇機會的機會......咁又冇左個lunch......成日都為了「出埃及」 — 離開為奴之地，真係辛苦。

詩 — 鄭愁予 【山鬼】

若非刺蝟大王，倒忘了他。

【山鬼】

山中有一女 日間在一商業會議擔任秘書
晚間便是鬼 著一襲白紗遊行在小徑上
想遇見一個知心的少年 好透露致富的秘密給他
也好獻了身子 因為是鬼便不落什麼痕跡

山中有一男 日間在一學校做美術教員
晚間便是鬼 著一身法蘭絨固坐在小溪岸
因為是鬼 他不想做什麼
也不要碰到誰

兩個異樣心思的山鬼我每晚都看見
所以我高遠的窗口有燈火而不便燃
我知道他們不會成親這是自然的規矩
可是，要是他們相戀了......
一夕的恩愛不就正是那遊行的霧與不動的岩石

[原來，我都文藝過.....現在，不知所謂]

橋底辣蟹

星期四晚與眾友去了橋底辣蟹，值得一試 (不過不要揀近對着鵝頸橋的「濕漉漉」有閣樓老舖)。

當晚，六人共叫了﹕
1. 蟶子皇 — $28一隻，超好吃，真的想在家老番自製，不過不知如何洗淨去沙。
2. 豉椒炒蜆 — 無沙兼幾多肉，不俗，好津津十倍以上。
3. 橋底辣蟹 — 好，尤其我是吃蟹鉗的 。 :p 我又喜歡吃那些蒜，不過太油，我喜歡較乾身的。
4. 黃金蝦 — 沒有越華會有那麼多咸蛋黃，但價錢又便宜得多，味道尚可 (越華會要$120一碟，不過係好味的)
5. 蒜香雞翼 — 很熱氣呀
6. 辣酒煮花螺 — 原來是細細粒的，不過都有好處，不像大螺般「太有嚼勁」(要勁嚼)。
7. 椒鹽九吐魚 — 咁啦
8. 黃金豆腐 — 又一熱氣選擇

好想再去吃蟶子皇。買幾隻外買當加餸都好。

團契佈道會

6月29日團契舉行佈道會。一反傳統，不是以講道為主，而是提供一個場合讓未信者提出對聖經的疑問。因此，今次的佈道會將以「城市論壇」般，基督徒與非基督徒可隨時發言。

希望弟兄姊妹可積極參與 (正統教會的基督徒對於傳福音的事，都不是太熱心的~~唉~~)。

http://foresam.sinaman.com/

謎

1. 點解我仍未辭職？
=> 因為未有人請

2. 點解未有人請？
=> 因為寄信不多

3. 點解寄信不多？
=> 因為欠缺時間

4. 點解欠缺時間？
=> 因為要OT

5. 點解要OT？
=> 因為有兩個冇人瀏覽的「提供全年無休服務的線上平台」

6. 點解有公司會推出冇人瀏覽的「提供全年無休服務的線上平台」？
=> 因為公司有錢、員工夠癲、可以不眠不休全天候24x7無條件奉獻身心左砌右嵌上寫下改，最總要係，公司並非靠「平台」出糧

7. 點解公司不是靠「平台」出糧？
=> 因為公司不是搞「平台」獲利的

8. 點解本身不搞後來又搞「平台」？
=> 因為要多線發展，提供「一站式服務」及收多「商客」數百美元 (一站式收費)

9. 點解「咁完美」的「平台」會冇人瀏覽？
=> 因為有人覺得plan得差

10. 點解會覺得plan得差
=> 因為無人plan下員工要做咩事，低層自已要plan

11. 點解低層自已要plan?
=> 因為plan — 係由下而上的，原來plan係低層做的


其他謎

點解《謎》仍未腰斬？
=> 因為錄得的投訴數字未夠欣宜多

點解有人會無端端送花？
=> 因為想喎

點解要攣毛？
=> 因為負離多年

點解經理要自己用photoshop「畫」ad？
=> 因為所有ad係突然知要出

點解迷上刺蝟大王的blog？
=> 因為佢多才多藝、才華洋溢、風趣幽默、見多識廣

點解食薯片？
=> 因為要諗野 — 薯片給我無限靈感並充實人生

點解朝朝食「芝士合桃包」？
=> 因為母親大人認為要食到厭為止先幫我買另一款

點解要母親買早餐？
=> 因為不能早起兼朝朝遲到

點解朝朝遲到？
=> 因為這是我的強項/絕技/長處/優點

我仍未辭職

有同事B見我不用開市場部的會議，問了我兩次，我是否已辭職不幹。哈哈，不是，只是暫且不用上陣擺了。

其實，現在的生活算是不錯的，雖看似有點無聊，每日將客人的登入資料用電郵重發給有關用戶﹔或要求用者核實一些刊登資料，與「客戶服務」的關聯多過「市場部」。不過，可以準時收工，做一些自己應付得來而可有自主權，能用不同方式處理的工作，總比要做一些不知所謂上司覺得合情合理而自己覺得「豬」得無比的事情還好。

我較為享受現在那種不傷腦筋而滿有自主的工作。

可惜，知道這等「甜美生活」應不能維持太久，因又有新大陸要拓荒了。

我不入地獄，誰入地獄？