好難頂呀~~~~
估唔到「暗戀桃花源」個名咁詩意，套舞台劇咁胡鬧﹗尤其係「桃花源」個部份，成日都「你老味」，無野呀？(令我諗起癲佬harm蟲成龍o向李忠盛演唱會時上台爆粗，同樣講「你老味」)我真係唔知到個部份想帶出咩信息，定只係想搞下笑，但真係超唔好笑。所謂笑位，全部係意料之內。意料之內唔代表笑唔出，但個d 位真係唔係笑位。不過今晚香港人好似突然幽默，個 d 俗不可耐的位都笑到拍晒手，唉﹗
之前睇「一期一會」音樂劇及呢套舞台劇，同樣有好作狀的部份，就係演員會o向講完某d 對白後，會做同樣的動作，以為好幽默，扮晒團結一致......真係好老土 "-_- ~~
睇刺蝟大王的介紹及場刊內的簡介，都諗唔到係咁。唔知係咪我睇個個係香港版，所以搞成咁？﹗唔知三地聯演版會否好少少？
好彩有「暗戀」個部份的男主角潘燦良，做阿伯真係有板有眼，佢唔只係把聲，連神態、手、震咀......都好似。我阿爺以前都係咁。
唔知以前林青霞做個套電影係咪咁？
我真係好驚~~~
2 則留言:
話左唔好睇港版架啦!
以我記憶，電影裡頭沒有刻意加上很多粗口。香港舞台劇好似發左癲，淨係我睇過的，幾年前的"螳螂捕蟬"同詹瑞文的"男人之虎"都加上大量粗口,而觀眾一聽到粗口就笑, 不知何解,實屬悲哀。
香港劇團又毀了一齣好戲。戲中戲"桃花源"本身是鬧劇不錯,但整套"暗戀桃花源"不應該是胡鬧的,當中的情感很沉重:要道出台灣跟中國那種複雜多樣的關係,不知這港版能帶出多少? 又有多少觀眾看過後能感受到, 能思考一下?
今天看"Hula Girls", 其實整理舖排是很傳統的勵志劇,很多"位"也能預料得到:女主角與教師先有嫌隙,然後和好努力學習;媽媽本來反對,到最後大力支持;舞團先跳不好,到最後表演成功...... 恐怕有一萬套勵志電視電影也是如斯伏線,整個戲的流程大家也帶得出來,但Hula Girls 仍然好看: 因為拍得好,真摯動人,沒有刻意煽情。所以,我覺得伏線讓人帶到沒有所謂,如果是高手,任憑觀眾如何帶到劇情發展,戲仍可以是好看的。只可惜,這次暗總桃花源沒有遇到一個高手吧?
我係買左香港版先睇到你講話唔好...
男人之虎都粗，不過易接受d。可能自己一味以為係「浪漫」野啦。
「桃花源」真係鬧劇o黎ga？
當中的情感很沉重:要道出台灣跟中國那種複雜多樣的關係,不知這港版能帶出多少=> 完全唔覺﹗﹗﹗
但Hula Girls 仍然好看: 因為拍得好,真摯動人,沒有刻意煽情=> 對﹗同埋，跳得好睇，起碼睇完我都想扭兩下 :p
總之，唔係好敢睇呢d舞台劇。
張貼留言